یک روچے، زانتکاریءَ یک آکواریومے جوڑکتءُ یک شیشگی دیوالے
آئیءِ توکا إیری کت که آکواریوم دو بهرءَ بوت. ماں یک نیمگیءَ مزنیں لوٹّـیں ماهیگے هِشتیءُ آدگه نیمگءَ یک کسانیں ماهیگے که په آ مزنیں ماهیگءَ وشیں ورگءُ غذاإے هست أت إیری کت. آ زانتکارءَ مزنیں ماهیگی دگه ورگءَ ندات بس ورگی گونڈیں ماهیگ أت. آئیءَ په گونڈیں ماهیگءِ گِـرگءَ چینچو برءَ هیــز کت؛ بلے هر برءَ گوں شیشگی دیوالءَ دوچارءَ کپتءُ په وتی وشیں ورگءَ نرس إت.
چیزے مدتءَ رند، مزنیں ماهیگءَ گونڈیں ماهیگی انگار کتءُ آئیءِ گِــرگی چه وتی دلءَ درکت. آئیءَ باور کتگ أت که گونڈیں ماهیگءِ گرگ نَـبیوکینءُ محالیں کارے هست إنتءُ هچ وڑا شکار نبیت.
آسرءَ زانتکارءَ شیشگی دیوالءَ چه آکواریومءَ درکتءُ مزنیں ماهیگءِ راهی پچ کت
بلے مزنیں ماهیگءَ گوں إشیءَ که راهی پچ أت په گونڈیں ماهیگءِ شکارکنگءَ هیز نکتءُ آ دگه نیمگءَ هچ نشت.
هنو شیشگی دیوال نیست أت گڈا پچے مزنیں ماهیگ دیم په گونڈیں ماهیگءَ نشت؟
إشیءِ علتءُ سوب چے بوت کنت؟
هنو شیشگی دیوالے نیست أت؛ بلے مزنیں ماهیگءَ ماں وتی هیالءُ گمانءِ توکا یک برزترینءُ مهرتریں دیوالے بستگ أت. آدیوال، آئیءِ باورءِ برزیں دیوال أت! باورے چه محدودیتءِ جنسءَ! باورے په یک برزینءُ مهریں دیوالیءَ! باورے چه وتی سستیءُ نِـــــزوریءَ!
