گوشکند

زَهـگے چَـہ وَتـی بَـهـیـلـیـں پـتءَ 10 هَـزار کـلـدار لـوٹ اِت ، پـتءَ گـوَشـت بَـچَـک تـو چـے گـوَشـت 9 هـزار کـلـدار ؟ 8 هـزار کـلـدارءَ چـے کـن ئَے ؟ پَـہ تـو 7 هَـزار کـلـدار هَـم بـازاِنـت ، مَـنـی پـتءَ مَـنءَ 5 هَـزار کـلـدار نـہ داتَـگ کـِہ مَـن تَـرا 4 هَـزار کَـلـدار بـہ دے اوں ، نـوں تـو مَـنءَ بـہ گـوَش کِـہ تـو 3 هـزار کـلـدارءَ چـے کـن ئَے ؟ تَـرا 2 هـزارکـلـدار بَـسّ اِنـت ، بـیـا بـہ زوُر اے 1 هَـزار کـلـداراَنـت ، رَنـدا زهَـگءَ زَرّ هُـسـاب کُـرت اَنـت 100 کـلـداراِت اَنـت.

نـوکـیـں تَـبـیـبے گَـنـوکـانـی نـادراهـجـاهءَ شُـت ، آئـیءَ اودءِ گَـنـوکـاں یَـکّءُ یَـکّء چـاراِت اَنـت ، یَـکّ گَـنـوکے وَتـی سَـرءَ پَـہ سَـواس جَـنَـگءَ اَت ، نـوکـیـں تَـبـیـبءَ چَـہ اودءِ کـوَهـنـیـں تَـبـیـبءَ جُـسـت کُـرت اے مَـردءَ چـوں بـوُتَـگ کِـہ چـو گَـنـوک اِنـت ؟!!. کـوَهـنـیـں تَـبـیـبءَ گـوَشـت اے مَـردءَ گـوں وَشّـرَنـگـیـں کـاڑے مِـهـر کـُـرتَگ ، رَنـدا آ وَشّـرَنـگـیـں کـاڑ شُـتَـگ گـوں دگے مَـردَکےءَ سـانـگ کُـرتَـگ ، اے پَـہ هَـمـا کـاڑءِ مِـهـرءَ گَـنـوک اِنـت ، دیـمـتِــرا شُـت اَنـت تـاں دگے مَـردکے وَتـی سَـرءَ گـوں دیـوال جَـنَـگءَاَت ، نـوکـیـں تَـبـیـبءَ جُـسـت کُـرت اے مَـردءَ چـوں بـوُتَـگ کِـہ چـو گَـنـوک اِنـت ؟!!. کـوَهـنـیـں تَـبـیـبءَ گـوَشـت اے مَـردَکءَ هَـمـا گَـنـوگءِ وَشّـرَنـگـیـں کـاڑ سـانـگ کُـرتَـگ .

نبشتانکار:ادبی هکیم